Un día despois da ‘fumata branca’ que proclamou papa a León XIV, El Ideal Gallego publicou unha reportaxe na que se expuña que podería ter devanceiros galegos de apelido Bastos, da provincia de Pontevedra. Houbo mofas en redes sociais. Un traballado estudo posterior de Avelino Bouzón confirmouno: tiña orixes no actual O Porriño. Agora é o propio papa o que, nunha conversación privada, recoñece que El Ideal tiña razón. Non é palabra de Dios, pero case.