O Servizo de Normalización Lingüística do Concello de Carballo pon en marcha unha nova edición dos obradoiros de acollemento lingüístico e de preparación das probas do Celga.
O primeiro vai destinado a persoas de fóra de Galicia, que neste obradoiro de acollemento lingüístico entrarán en contacto coa lingua e a cultura galegas.
O curso, que se levará adiante sempre que exista un grupo mínimo de 20 persoas inscritas, inclúe un manual de contidos para o alumnado.
A formación desenvolverase desde o 10 de setembro ata o 19 de decembro, todos os martes e xoves, de 17.30 a 19.00 horas, no centro social Escola de Arrabaldes, no barrio da Milagrosa.
As persoas interesadas poden inscribirse enviando a snl@carballo.gal un correo electrónico no que se indicará o nome e apelidos e un teléfono de contacto.
As inscripción realizaranse por orde de chegada das mensaxes ata completar o número máximo de alumnado (25 persoas).
Do mesmo xeito, vanse repetir os cursos preparatorios das probas Celga 2, 3 e 4, para os cales tamén está aberto o prazo de matrícula.
Neste caso será preciso contar cun mínimo de 10 participantes. As clases impartiranse todos os xoves, de 19.00 a 21.00 horas, no centro social da Escola de Arrabaldes, desde o 12 de setembro ata o 28 de novembro.
As persoas interesadas pódense inscribir mandando un correo co nome e apelidos e número de teléfono a snl@carballo.gal.
