Na Fundación Eduardo Pondal teñen todo disposto para a esperada xornada do 17 de maio, festividade das Letras Galegas, que se vive con especial intensidade e paixón na pequena aldea do Couto e no conxunto da parroquia pontecesá de Cospindo.
O programa arrincará as 11 horas con lanzamento de foguetes e un pasarrúas coa Banda de gaitas Inllar.
Pouco despois procederase a inauguración da creación plástica Mutante Creativo, na lembranza dos primeiros “Bos e Xenerosos”: Isaac Díaz Pardo, Neira Vilas e a súa dona, Anisia Miranda.
Ao mediodía habrá misa en galego na iglesia parroquial de San Tirso de Cospindo na memoria de todos e todas os colaboradores que participaron na Festa das Letras do Couto.
O repique de campás e o estourido das bombas media hora despois marcará o inicio dos actos no adro, que arrincarán coa interpretación do Himno Galego a cargo da Coral A Oliveira de Monte Branco; seguerán cunha ofrenda floral e a interpretación, a cargo de Inllar, do Himno do Antigo Reino.
Ás 12:45 comezará o acto de entrega dos Premios Bos e Xenerosos 2023. Nesta edición serán homenaxeados Pilar García Rego, Manuel Facal, María Canosa e Manuel Rivas, que recibirán o busto pondaliano a mans de autoridades da Xunta, Deputación e Concello.
As 14 horas haberá unha sesión vermú con Berto, que dará paso ao Xantar das Letras
